काठमाडौं । शिक्षक महासंघले भोलि बुधबारबाट आन्दोलनको समय परिवर्तन गर्ने भएको छ । 

गत ७ गते राप्रपाको आन्दोलनका कारण महासंघले बिहान ९ बजेबाट १२ बजेसम्म आन्दोलन गर्दै आएको थियो । उक्त प्रदर्शनबाट बिहान कार्यालय समयमा यात्रुहरूले निकै सास्ती खेप्नुपरेको थियो । 

महासंघले बुधबारबाट भने ११ बजेदेखि दिउँसो २ बजेसम्म आन्दोलन गर्ने जनाएको छ । शिक्षक महासंघका अध्यक्ष लक्ष्मीकिशोर सुवेदीले सामाजिक सञ्जालमार्फत नयाँ समयतालिकाबारे जानकारी गराएका हुन् ।