काठमाडौं । मदिरा व्यवसायमा मात्र केन्द्रित हुँदै आएको व्यावसायिक घरना जावलाखेल ग्रुप अफ कम्पनिजले आफ्नो लगानी विविधीकरण गरेर रेस्टुरेन्ट बिजनेस सुरु गरेको छ । ग्रुपले अमेरिकी सिनाबोन बेकरी रेस्टुरेन्टलाई नेपालमा भित्र्याएको हो । 

जावलाखेल ग्रुपले सिनाबोन चेन रेस्टुरेन्ट आउँदो वैशाखदेखि ललितपुरको सानेपामा ‘सफ्ट लन्च’ गर्ने भएको छ । ग्रुपले रेस्टुरेन्टको पूर्वाधार निर्माणको काम सकेको छ । नेपालमा सिनाबोनको व्यवस्थापन जावलाखेल ग्रुपले हेर्ने भएको छ । 

वैशाखदेखि रेस्टुरेन्टको सफ्ट लन्च गर्ने तयारी भएको जवलाखेल ग्रुप स्रोतले बाह्रखरीलाई बतायो । जावलाखेलले बेकरीमा हुने लगानी र साझेदारीको विषयमा खुलाएको छैन । 

सिनाबोनको नेपालमा पहिलोपटक प्रवेश हो । विभिन्न ५७ मुलुकमा सिनाबोनको नौ सय ७४ बेकरी सञ्चालनमा छन् । सिनाबोन बेकरीको अमेरिकाको ४७ राज्यमा उपस्थित छ । 

यसरी बन्यो सिनाबोन बेकरी 

सबैभन्दा ठूलो दालचिनी रोल बनाउने मिसनबाट अमेरिकामा सिनाबोन बेकरी रेस्टुरेन्ट सुरु भएको हो । एक मास्टर बेकरको महिनौँको परीक्षण र सयौँ विभिन्न रेसिपीहरूका साथै स्वादिलो दालचिनी मसलादार रोल परिकार चाँडै नै सिनाबोन उपभोक्तामाझ ‘कलिङ कार्ड’ बन्यो ।

जब बाबु–छोराको जोडी अन्ततः विश्वभरबाट असाधारण सामग्रीको संयोजनमा अवतरण भयो । उनीहरूले उत्तम रेसिपी सिर्जना गरेका छन् । सन् १९८५ डिसेम्बर ४ मा उनीहरूले सियाटल र वासिङ्टनको सि–ट्याक मलमा पहिलो सिनाबोन बेकरीमार्फत आफ्नो मिहिनेतले कमाएको सपनालाई स्वादिष्ट वास्तविकतामा रूपान्तरण गर्न सफल भए । 

सिनाबोनको दालचिनी रोल उपभोक्तामाझ लोकप्रिय बन्यो । आजसम्म सिनाबोन अनुभव स्वादिष्ट नयाँ उचाइहरूमा बढ्दै गइरहेको छ । देशभर र विश्वभरका ५० भन्दा बढी देशमा अहिले स्थान मात्र छैन, तर मेनुले पाहुनाहरूलाई सिनाबोनले मात्र प्रदान गर्न सक्ने अतुलनीय आनन्द लिन रोमाञ्चक र नयाँ तरिकाहरू प्रदान गर्न विस्तार भएको छ । सिनाबोन आज विश्वको सबैभन्दा मान्यताप्राप्त र खोजिने ब्रान्डमध्ये एक बेकरी हो । 

ग्रुपले गोरखा ब्रुअरीको स्वामित्व खरिद गर्न लागेको छ । जावलाखेल र गोरखा ब्रुअरीको माऊ कम्पनी काल्र्सबर्गबीच अहिले स्वामित्व खरिद–बिक्रीका निम्ति छलफल भइरहेको छ । खरिद–बिक्रीको डिल टुंग्याउने गरी छलफल अघि बढेको छ । 

• गोर्खा ब्रुअरीको स्वामित्व किन्दै जावलाखेल ग्रुप, कार्ल्सबर्गसँगको ‘डिल’ अन्तिम चरणमा

गोरखाको स्वामित्व लिन लागेको जावलाखेल ग्रुपको बियर नेपाली बजारमा लोकप्रिय छन् । ग्रुपले बडवाइजर, वाइस्टनर, नमस्ते र माउन्टेन आइसजस्ता ब्रान्डका बियर उत्पादन गर्दै आएको छ । बडवाइजर र वाइस्टनर पनि ग्लोबल ब्रान्डका बियर हुन् । जावलाखेलको बियरका साथै गोल्डेन ओक ह्विस्की र रुस्लान भोड्का नेपालमा लोकप्रिय मदिरा ब्रान्ड हुन् ।

गत साउनमा खेतान ग्रुपले गोरखा ब्रुअरीको १० प्रतिशत स्वामित्व बिक्री गरेर बाहिरिएको थियो । अहिले नेपालमा सञ्चालनमा रहेको गोरखा ब्रुअरीको पूर्ण स्वामित्व काल्सबर्ग ग्रुपको छ ।  

व्यावसायिक घराना खेतान ग्रुपले सिंगापुरस्थित कम्पनीमा रहेको आफ्नो सेयर गत साउनमा १ खर्ब रुपैयाँमा बेचेको थियो । जावलाखेलले सन् २०२३ मा १३ अर्ब ६२ करोड ५० लाख रुपैयाँको मदिरा व्यापार गरेको थियो ।