काठमाडौं । बाह्रखरी मिडियाका अध्यक्ष तथा प्रधानसम्पादक प्रतीक प्रधानले नेपालमा उपभोक्ताको आत्मविश्वास र लगानीको वातावरण दुवै खस्कँदो क्रममा देखिएको बताएका छन् । शनिबार (चैत २३) काठमाडौंमा ‘एनसेल बाह्रखरी गल्फ तथा आर्थिक परिसंवाद’ कार्यक्रममा उनले यी समस्यासँगै लोकतान्त्रिक व्यवस्था पनि संकटमा परिरहेको बताए ।

“वर्तमान सरकार बनेपछि पनि कन्जुमर कन्फिडेन्स र लगानीको वातावरणसँगै संघीय लोकतान्त्रिक व्यवस्थामा चुनौती देखा परेको छ,” प्रधानसम्पादक प्रधानले भने, “अहिलेको समाज जुन कुनै कुरालाई राम्रोसँग बुझ्न सक्दैन । जसले स्टन्टबाजी गर्छ उसैका पछि सामाजिक सञ्जाल दौडँदा सिरियस मिडियालाई नागरिकले कम विश्वास गर्ने परिस्थिति बनेको छ ।”

उनले सरकारले आर्थिक सुधार तथा लगानीको वातावरण निर्माण गर्ने गरी अध्यादेश जारी गरी प्रतिस्थापन विधेयक पनि पारित भइसकेको विषय सकारात्मक रहेको बताए ।