site stats
बाह्रखरी :: Baahrakhari
देश
Global Ime bankGlobal Ime bank
पाँचथरमा डढेलोमा परी महिलाको मृत्यु, तीनजना उपचाररत
प्रतीकात्मक तस्बिर ।

विराटनगर । पाँचथरमा डढेलोमा परी एक महिलाको मृत्यु भएको छ । चारजना घाइते छन् ।

कुम्मायक गाउँपालिका–३, ताम्राखुस्थित जंगलमा लागेको डढेलोमा परी गम्भीर घाइते भएकी प्रतिमा सम्बाहाफेको मृत्यु भएको हो । उपचार निम्ति घाइतेलाई धरान पठाइएकामा बाटोमा एकजनाको मृत्यु भएको जिल्ला प्रहरी कार्यालय पाँचथरका इन्स्पेक्टर बिनालाल साहले बताए  ।

घाँस काट्न जंगलमा गएका बेला डढेलोमा परी सम्बाहाम्फे घाइते भएकी थिइन् । बिहीबार (चैत २१) अपराह्न घाँस काट्न गएका उनीसँगै चारजना डढेलोमा फसेका थिए ।

२८ वर्षीया सपना सम्बाहाफे र ६० वर्षकी निरमाया सम्बाहाफेलाई उपचारनिम्ति धरानस्थित बीपी कोइराला स्वास्थ्य विज्ञान प्रतिष्ठानमा पठाइएको छ  ।

यस्तै, फिदिम नगरपालिका–११ स्थित सामुदायिक वनमा लागेको डढेलोमा परी एक महिला गम्भीर घाइते भएकी छन् । घाइते ४७ वर्षीया उषा नेम्वाङलाई थप उपचारनिम्ति काठमाडौंको बर्न अस्पताल ‘रेफर’ गरिएको छ ।

कुम्मायकमा डढेलोमा परी घाइते भएकी एक बालिका उपचारपछि घर फर्किएको प्रहरीले जनाएको छ ।

प्रकाशित मिति: शुक्रबार, चैत २२, २०८१  १०:४१
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro