काठमाडौं । संघीय संसद् प्रतिनिधिसभाको बैठक बस्दै छ । बैठक बिहान ११ बजेका लागि बोलाइएको छ ।
आइतबार विपक्षी दलहरूले अडान नछाडेपछि सोमबार (आज) बिहान ११ बजे बस्ने गरी बैठक स्थगित भएको थियो ।
आइतबार बसेको बैठकमा सत्तापक्ष र प्रतिपक्षका सांसदहरूबीच भनाभन भएपछि बैठक १५ मिनेटका लागि स्थगित गरेर अपराह्न ४ बजेका लागि बोलाइएको थियो ।
तर, विपक्षीले अडान नछाडेपछि बैठक सोमबार बिहान ११ बजे बस्ने गरी स्थगित गरिएको हो । आजको बैठकमा प्रधानमन्त्री केपी शर्मा ओलीले सम्बोधन गर्ने तय भएको सत्तापक्षका नेताहरूले बताएका छन् ।
विपक्षी दलहरूले कुलमान घिसिङलाई नेपाल विद्युत् प्राधिकरणको कार्यकारी निर्देशकबाट हटाएको विषयमा प्रधानमन्त्री ओलीले जवाफ नदिनएसम्म बैठक चल्न नदिने अडान लिएका छन् ।
तीन कुने घटनाका विषयमा पनि प्रधानमन्त्रीले जवाफ दिनुपर्ने माग गरिएको छ ।
आजको बैठकको सम्भावित कार्यसूचीमा भने प्रधानमन्त्री ओलीले सम्बोधन गर्ने उल्लेख गरिएको छैन ।
आजको बैठकको सम्भावित कार्यसूची :–
-1743849429.jpg)
-1742355287.jpg)
