काठमाडौं । कुलमान घिसिङलाई नेपाल विद्युत् प्राधिकरणको कार्यकारी निर्देशक पदमा पुनर्बहाली गर्नुपर्ने मागसहित काठमाडौंमा आज पनि प्रदर्शन भएको छ । 

कुलमान उज्यालो नेपालको नायक भएको भन्दै उनको पुनर्बहाली गर्नुपर्ने मागसहित कुलमान घिसिङ पुनर्बहाली संयुक्त आन्दोलन परिचालन समितिले काठमाडौंको माइतीघरमा प्रदर्शन गरेको हो । 

प्रदर्शनमा सहभागीले कुलमान घिसिङ देशको शान, कुलमानलाई पुनर्बहाली गर लगायतका प्लेकार्डसहित नाराबाजी गरेका थिए ।

कार्यकारी निर्देशकबाट कुलमान घिसिङलाई हटाउने सरकारको निर्णयप्रति सडक र सदनबाट विरोध भइरहेको छ ।