काठमाडौं । कर्णाली प्रदेश सरकारले धान दिवसको अवसरमा जुम्ला जिल्लाभरि बिदा दिएको छ । कर्णालीको आन्तरिक मामिला तथा कानुन मन्त्रालयले सोमबार विज्ञप्ति जारी गरेर बिदाको जानकारी गराएको हो । 

“मिति २०८१ चैत १२ गते मंगलबारका दिन जुम्ला जिल्लामा मनाइने धान दिवसको अवसरमा जुम्ला जिल्लास्थित सबै सरकारी तथा सार्वजनिक संघ संस्थाहरूमा सार्वजनिक बिदा दिने निर्णय भएको हुँदा सम्बन्धित सबैको जानकारीको लागि यो सूचना प्रकाशित गरिएको छ,” सरकारका प्रवक्ता उपसचिव उत्तम गौतमले जारी गरेको विज्ञप्तिमा भनिएको छ ।