site stats
बाह्रखरी :: Baahrakhari
राजनीति
Global Ime bankGlobal Ime bank
अवसर हुँदाहुँदै बाहिर जाने काम राम्रो होइन, देशलाई माया गर्न सिकौँ : प्रधानमन्त्री ओली

काठमाडौं । प्रधानमन्त्री केपी शर्मा ओलीले कक्षा १२ पास भएपछि विदेश जाने परिस्थिति रोक्न सरकार गम्भीर भएको बताएका छन् । आज प्रतिनिधसभा बैठकमा सांसद भगवती चौधरीले सोधेको प्रश्नको जवाफ दिँदै उनले देशमा नै अवसर हुँदा पनि बाहिर जानु राम्रो नभएको भनेर नयाँ पिँढीलाई सम्झाउनुपर्ने बताए । 

“यही अवसर हुँदाहुँदै पनि बाहिर जाने राम्रो होइन, देशलाई माया गर्न सिकाउनुपर्छ । बाहिर जाने बाध्यता, परिस्थिति रोक्न सरकार गम्भीर छ,” उनले भने । 

उनले युवाहरूलाई उद्यमशील हुन सिकाइरहेको पनि बताए । आर्थिक, प्राविधिक पक्षमा सरकारले सहयोग गरिरहेको उनको भनाइ छ । उनले ५०० युवालाई स्टार्टअप ऋण सहायता दिने जानकारी पनि गराए ।

प्रधानमन्त्री ओलीले 'व्यवस्था परिवर्तन भयो, अवस्था परिवर्तन भएन' भन्ने भाष्यले निराशा फैलिएको बताए । खेत बाँझो हुँदा ऋण काढेर  बाहिर जाने र तत्लोबाट अमेरिका पुग्नु र निष्कासन भएर आउनु उचित नभएको उनको भनाइ छ । 

“खेत छ, त्यहाँ उत्पादन गर्ने ठाउँमा ऋण काढेर बाहिर जानु अनि तल्लो बाटोबाट अमेरिका पुग्नु र निष्कासन भएर आउनु उचित तरिका होइन,” उनले भने ।

प्रकाशित मिति: बिहीबार, चैत ७, २०८१  १३:०१
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro