विराटनगर । नेपाल विद्यार्थी संघ (नेविसंघ)का दुई पक्षबीच कुटाकुट भएको विराटनगरको महेन्द्र मोरङ क्याम्पसमा शान्तिपूर्ण ढंगले निर्वाचन भइरहेको छ । मंगलबार अपराह्नसम्म मतदान जारी छ ।

निर्वाचन समितिका अनुसार, आज दिउँसो २ बजेसम्म दुई हजार ९४ जना मतदाता छन् । क्याम्पसमा १५ मतदानस्थल तोकेर मत हाल्ने व्यवस्था मिलाइएको छ । मतदान अपराह्न ४ बजेसम्म हुने तय भएको छ ।

निर्वाचनमा विभिन्न सात विद्यार्थी संगठन सहभागी छन् । नेविसंघको संस्थापन र शेखर कोइराला पक्षबाट प्यानल बनाएर उमेदवार चुनावी प्रतिस्पर्धामा छन् । 

नेविसंघ संस्थापनबाट प्रज्ज्वल विष्ट र कोइराला पक्षबाट योगराज दाहाल अध्यक्षका उमेदवार छन् । अघिल्लो निर्वाचनमा अध्यक्षमा नेविसंघ विजयी भएको थियो ।

मोरङ क्याम्पसमा अखिल क्रान्तिकारीबाट रोहित यादव र अनेरास्ववियुका अनिष बोगटी अध्यक्षका उमेदवार छन् ।