site stats
बाह्रखरी :: Baahrakhari
देश
Global Ime bankGlobal Ime bank
धनुषाको सबैलामा तनाव, प्रहरीले गोली चलाउँदा एकजना गम्भीर घाइते
सांकेतिक तस्बिर ।

काठमाडौं । धनुषाको सबैला नगरपालिकामा प्रहरीले चलाएको गोली लागेर एकजना गम्भीर घाइते भएका छन् । घाइते स्थानीय सन्तोष यादव भएको मधेस प्रदेश प्रहरी प्रमुख डीआईजी लालमणि आाचार्यले बताए । सोमबार दिउँसो दुई समुदायबीच तनाव बढ्दा भिडलाई नियन्त्रणमा लिने क्रममा प्रहरीले गोली चलाएको थियो ।

डीआईजी आचार्यका अनुसार, सबैला नगरपालिकामा पर्ने एक चोकमा यादव समुदायले ‘यादव चोक’ लेखिएको बोर्ड राखेका थिए । अन्य समुदायका व्यक्तिले उक्त बोर्ड हटाएपछि दुई समुदायबीच विवाद बढेको थियो ।

“बोर्ड हटाएपछि विवाद बढेको थियो । विवाद मिलाउन खोज्दा उल्टै प्रहरीमाथि हातपात भयो । त्यसपछि प्रहरीले घटनालाई नियन्त्रणमा लिन बल  प्रयोग गरेको थियो । प्रहरीले चलाएको गोली लागेर सन्तोष यादव नाम गरेका व्यक्ति गम्भीर घाइते भएका छन्,” डीआईजी आचार्यले भने ।

दुई समुदायबीच आइतबार पनि विवाद भएको थियो । आइतबार घटनालाई नियन्त्रणमा लिन अश्रु ग्यास प्रहार गरेको थियो ।

 

प्रकाशित मिति: सोमबार, चैत ४, २०८१  १६:१०
worldlinkworldlink
प्रतिक्रिया दिनुहोस्
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
Hamro patroHamro patro