काठमाडौं । चलचित्र ‘कर्मा’को टिजर सार्वजनिक भएको छ । काठमाडौंमा आज एक कार्यक्रम गर्दै निर्माणपक्षले टिजर सार्वजनिक गरेको हो । 

टिजरले चलचित्रको कथा खुलाएको छैन । कथा लुकाउँदै टिजरले एक्सन भने भरपुर देखाएको छ । 

कसैले कान फुट्नेगरी हानेपछि आफूलाई सुगठित गर्दै टक्कर लिने विपीन कार्कीको एक्सन देखाइएको छ । टिजरले एक्सनमा उत्रिने विपीन पारिवारिक समस्याका कारण कति भावुक छन् भन्ने देखाएको छ । 

बाइक स्टन्टले ध्यान खिच्छ । सरिता गिरी, उपासना सिंह ठकुरी, मुकुन भुसाल, दिब्यदेबलाई टिजरमा देख्न सकिन्छ । 

‘कर्मा’लाई ‘अगस्त्य’ फेम्ड निर्देशक सौरभ चौधरीले निर्देशन गरेका छन् । चलचित्र ‘कर्मा’ चैत २९ गते रिलिज हुँदै छ । नेपाल र विदेशमा यो चलचित्र एकसाथ प्रदर्शन हुनेछ ।

एक्सन जनरामा निर्माण भएको ‘कर्मा’मा विपीनको पहिलो एक्सन सिनेमा हो । एक्सन ड्रामा जनरामा निर्माण भएको सिनेमाको कथा निर्देशक चौधरी स्वयंले लेखेका छन् ।

केही समयअघि सार्वजनिक पोस्टरले दर्शकमाझ उत्सुकता बढाएसँगै ओभरसिज माकेर्टमा पनि दर्शकमा ‘कर्मा’प्रति चासो रहेको सेभेन सिज सिनेमाले बताएको छ ।

आर्टिस्टिक इनटरटेनमेन्टको प्रस्तुति रहने ‘कर्मा’मा वसन्त लम्सालको लगानी रहेको छ ।