काठमाडौं । वैदेशिक रोजगारीमा सर्बिया पठाइदिने भन्दै रकम ठगी गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा दैलेखको गुराँस गाउँपालिका–७ का ३५ वर्षीय सर्वराज बिसी छन् ।

सर्बिया पठाइदिने भन्दै एक व्यक्तिबाट चार लाख रुपैयाँ लिई उनी सम्पर्कविहीन भएका थिए । शुक्रबार (फागुन २३) उनलाई टेकुबाट पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।

उनी काठमाडौंकै टोखा नगरपालिका–९, गणेशथानमा बस्दै आएका थिए । आवश्यक अनुसन्धान र कारबाहीका निम्ति उनलाई वैदेशिक रोजगार विभागमा पठाइएको उक्त कार्यालयका एसपी काजीकुमार आचार्यले जानकारी दिए ।