काठमाडौं । अवैध रूपमा अमेरिकामा बसोबास गर्दै आएका केही नेपालीलाई स्वदेश फर्काइएको छ । अमेरिकी प्रशासनले आफ्नो विशेष विमानमार्फत बुधबार (फागुन २१) उनीहरूलाई फिर्ता पठाएको हो ।

बुधबार बिहान करिब १० बजे उक्त विमान त्रिभुवन अन्तर्राष्ट्रिय विमानस्थलमा अवतरण गरेको थियो । त्यसमा चालक दलका सदस्यसहित १४ जना रहेका त्रिभुवन अन्तर्राष्ट्रिय विमानस्थलका प्रवक्ता रिन्जी शेर्पाले बाह्रखरीलाई जानकारी दिए ।