काठमाडौं । नेपाली राष्ट्रिय फुटबल टिमका नवनियुक्त मुख्य प्रशिक्षक म्याट रोसले आउँदो अन्तर्राष्ट्रिय मैत्रीपूर्ण खेल र एएफसी एसियन कप क्वालिफायरका निम्ति ३० सदस्यीय प्रारम्भिक बन्द प्रशिक्षण टोली सार्वजनिक गरेका छन् ।

रोसले सिंगापुरविरुद्धको मैत्रीपूर्ण प्रतिस्पर्धा र एसियन कप क्वालिफायरअन्तर्गत मलेसियाविरुद्धको खेलका निम्ति ३० खेलाडीलाई प्रारम्भिक बन्द प्रशिक्षणमा डाकेका हुन् ।

नेपालले यही मार्च २१ मा सिंगापुरविरुद्ध मैत्रीपूर्ण खेल खेल्ने छ । यस्तै, नेपाली टिमले मार्च २५ मा मलेसियाविरुद्ध प्रतिस्पर्धा गर्ने तालिका छ ।

रोस आइतबार (फागुन १८) एक वर्षको सम्झौतासहित नेपाली टिमको मुख्य प्रशिक्षकमा नियुक्त भएका हुन् ।

नेपालको प्रारम्भिक टोली
गोलकिपर : किरण चेम्जोङ, विशाल सुनार, दीप कार्की, अभिषेक बराल र अन्जल श्रेष्ठ

रक्षक : अनन्त तामाङ, छिरिङ लामा, रोहित चन्द, विमल पाण्डे, सनिस श्रेष्ठ, रन्दीप पौडेल, सुमित श्रेष्ठ, अन्जन राई, अभिषेक लिम्बू, आशीष गुरुङ र अशोक खवास

मिडफिल्डर : लाकेन लिम्बू, रोहन कार्की, मणि लामा, भरत खवास, एरिक बिष्ट, मनीष डांगी, आयुश घलान र कृतिशरत्न छुन्जु

फरवार्ड : जिलेस्पीजंग कार्की, अञ्जन बिष्ट, समिर तामाङ, दिनेश हेन्जन, सुवास ठकुरी बम र निरञ्जन धामी ।