site stats
बाह्रखरी :: Baahrakhari
देश
Global Ime bankGlobal Ime bank
पशुपतिमा संस्कृतिमन्त्रीको नेतृत्वमा साधुसन्तको र्‍याली
फाइल तस्बिर ।

काठमाडौं । काठमाडौंको पशुपतिनाथ मन्दिर परिसरमा संस्कृति, पर्यटन तथा नागरिक उड्डयनमन्त्री बद्रीप्रसाद पाण्डेको नेतृत्वमा साधुसन्तको र्‍याली निकालिएको छ । पशुपति क्षेत्र विकास कोषले आयोजना गरेको र्‍यालीको नेतृत्व गर्न मन्त्री पाण्डे सोमबार (फागुन १२) बिहान त्यहाँ पुगेका थिए ।

र्‍यालीमा कोषका पदाधिकारी, संस्कृत विद्याश्रमका विद्यार्थी, गुरु, नेपाली सेना, नेपाल प्रहरी, सशस्त्र प्रहरी र स्थानीयको सहभागिता थियो ।

पशुपतिनाथ मन्दिरको मूलढोकाबाट सुरु गरिएको र्‍याली पिंगलास्थान, गौशाला, जयवागेश्वरी हुँदै पुनः मन्दिरको मूलढोकामा पुगेर समापन भएको थियो । कोषले महाशिवरात्रिको सबै तयारी पूरा गरेको जनाएको छ । शिवरात्रिका निम्ति भारतलगायत देशबाट साधुसन्त आउने क्रम जारी छ । यही फागुन १४ गते महाशिवरात्रि पर्व परेको छ ।

प्रकाशित मिति: सोमबार, फागुन १२, २०८१  ११:०५
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro