काठमाडौं । उपप्रधानमन्त्री एवं अर्थमन्त्री विष्णु पौडेल आजदेखि अर्थ मन्त्रालयको नियमित काममा फर्किएका छन् । 

फागुन ३ गते पोखरा महानगरपालिकाले आयोजना गरेको 'पोखरा भ्रमण वर्ष–२०२५' को औपचारिक घोषणाका क्रममा बेलुन विस्फोट भएपछि पौडेल घाइते भएका थिए ।

कीर्तिपुरस्थित बर्न अस्पतालमा दुई दिन सघन उपचारपछि उनी डिस्चार्ज भएका थिए । त्यसपछि निवासबाटै अत्यावश्यक काम काम गर्दै आएका पौडेल आजदेखि नियमित काममा फर्किएका हुन् ।