site stats
बाह्रखरी :: Baahrakhari
खेल
Global Ime bankGlobal Ime bank
Nabil Bank Banner adNabil Bank Banner ad
प्रधानसेनापति खुला म्याराथनमा खड्का प्रथम

काठमाडौं । प्रधानसेनापति खुला म्याराथन प्रतियोगिताअन्तर्गत ४२ किलोमिटर दूरीको दौडमा नेपाली सेनाको रणशेर गणका हुद्दा खड्गबहादुर खड्का प्रथम भएका छन् । शनिबार नेपाली सेनाद्वारा आयोजित म्याराथनमा निर्धारित दूरी दुई घण्टा १७ मिनेट २० सेकेन्डमा पूरा गरी खड्का प्रथम भएका हुन् ।

यस्तै, २१ किलोमिटर हाफ म्याराथन खुला पुरुषतर्फ नेपाली सेनाकै प्युठ मुकेशबहादुर पाल प्रथम भए । निर्धारित दूरी उनले एक घण्टा चार मिनेट ४१ सेकेन्डमा पूरा गरे ।

२१ किलोमिटर हाफ म्याराथन खुला महिलातर्फ सन्तोषी श्रेष्ठ प्रथम भइन् । निर्धारित दूरी उनले एक घण्टा १७ मिनेट चार सेकेन्डमा पूरा गरिन् ।

१० किलोमिटर दूरीको सैनिक सहचारीतर्फको दौडमा भारतीय दूतावासका प्रेमलाल चौहान प्रथम भए । सेनाका अधिकृततर्फको १० किमि दौडमा उपसेनानी सन्तोष श्रेष्ठ प्रथम भए ।

सेनाका महिला अधिकृततर्फको १० किमि दूरीको दौडमा उपसेनानी जिना गुरुङ प्रथम भइन् ।

सेना दिवसका अवसरमा ०७२ सालदेखि यो प्रतियोगिता आयोजना गरिँदै आएको छ । हिमालयन टेली भ्वाइस

NIBLNIBL
प्रकाशित मिति: शनिबार, फागुन १०, २०८१  १६:३६
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
Hamro patroHamro patro