काठमाडौं । ‘बालापनको उमेर–२’ गीत सार्वजनिक भएको छ । सुरक्षा बाठा मगरको स्वरमा रहेको गीतमा वसन्त सापकोटाको शब्द र संगीत छ ।  

सन् २०१८ मा रिलिज भएको गीत ‘बालापनको उमेर’को दोस्रो ‘भर्सन’ हो । उक्त समयमा यो गीत गायिका समीक्षा अधिकारीले गएकी थिइन् ।  यही गीतबाट समीक्षा नेपाली सांगीतिक क्षेत्रमा चिनिएकी थिइन् ।

‘बालापनको उमेर–२’मा आन्भी ओली, आयंका कार्की र प्रियंका कार्की फिचर्ड छन् । आन्भी गायक तथा निर्माता सरोज ओलीकी छोरी हुन् । यो उनको पहिलो म्युजिक भिडियो हो ।

प्रियंकाकी छोरी आयंकाको पनि यो पहिलो म्युजिक भिडियो हो ।

मौसम हिमालीको कोरियोग्राफी र निर्देशनमा तयार भएको भिडियोलाई नवराज उप्रेती र सुनिल भण्डारीले खिचेका छन् । भिडियोमा भुपेन्द्र अधिकारी र मनोज कार्कीको सम्पादन छ ।