काठमाडौं । दाङको घोराहीस्थित राप्ती स्वास्थ्य विज्ञान प्रतिष्ठानले स्वास्थ्य बिमा कार्यक्रमअन्तर्गतका प्रयोगशाला तथा रेडियोलोजी परीक्षण स्थगित गर्ने भएको छ । प्रतिष्ठानले शुक्रबार एक सूचना जारी गर्दै फागुन १८ गतेदेखि ती सेवा स्थगित गर्ने जानकारी गराएको हो । 

साथै बिमा कार्यक्रमार्फत दिइने औषधि पनि अब एक हप्ताका लागि मात्रै दिने सूचनामा उल्लेख छ । स्वास्थ्य बिमा बोर्डले ११ करोड रुपैयाँ शोधभर्ना दिन बाँकी रहेकाले  जाँचहरू गर्न आवश्यक केमिकल खरिद गर्न समेत आर्थिक अभाव भएको प्रतिष्ठानको दाबी छ । 

बोर्डबाट उक्त रकमको भुक्तानीबारे कहिले हुने भन्ने अनिश्चित रहेकाले तीन महिनाका निम्ति दिनुपर्ने औषधि एक सातामा झारिएको सूचनामा उल्लेख छ ।