काठमाडौं । प्रधानन्यायाधीश प्रकाशमानसिंह राउतले कानुन व्यवसायीको व्यवसायिकताप्रति प्रश्न उत्पन्न भएको बताएका छन् । 

सर्वोच्च अदालत बार एसोसिएसनको ५१औँ स्थापना दिवसको अवसरमा बिहीबार काठमाडौंमा आयोजित कार्यक्रममा प्रधानन्यायाधीश राउतले सयौँ संख्यामा रहेका कानुन व्यवसायीमा अधिकांशलाई व्यवसायिक बनाउनेमा प्रश्न उत्पन्न भएको बताएका हुन् । 

यो प्रश्नलाई सबैले मिलेर सम्बोधन गर्न सक्नुपर्ने उनले बताए । उनले अदालतमा बेथिति वा भ्रष्टाचार देखिए सबै मिलेर नियन्त्रण गनुपर्ने धारणा राखे । प्रधानन्यायाधीश राउतले संसद्ले बनाउने कानुन अन्यायपूर्ण वा दोषपूर्ण भए अदालतले त्यसमा केही गर्न नसक्ने भएकाले कानुन बनाउनुअघि नै सरोकारवाला बिषयमा कानुन व्यवसायीले स्वच्छ कानुन निर्माणका लागि लबिङ गर्न सक्नुपर्ने बताए । अहिले धेरै कानुन दोषपूर्ण रहे पनि अदालत हात बाँधेर बस्नुपरेको उनको भनाइ छ ।

प्रधानन्यायाधीश राउतले सर्वोच्च अदालतको रिफर्म गर्ने कुरामा कुनै सम्झौता हुन नसक्ने स्पष्ट पारे । उनले अदालतको फैसला र आदेशका त्रुटिपूर्ण भए सच्चाउन सकिने उल्लेख गर्दै फेसबुकमा जथाभावी बोल्नुभन्दा उचित सुझाव दिन कानुन व्यवसायीलाई आग्रह गरे ।