काठमाडौं । कैलालीमा तास खेलिरहेका चारजनालाई प्रहरीले पक्राउ गरेको छ । पक्राउ पर्नेमा धनगढी उपमहानगरपालिका–२ का ३५ वर्षीय अवनिश सिंहसहितका व्यक्तिहरू छन् ।

धनगढी–२, बैयाबेहडीस्थित टहरामा जुवातास खेलिरहेको अवस्थामा बुधबार (फागुन ८) दिउँसो उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

नगद १९ हजार ३२५ रुपैयाँ, दुई बुक तास र दुईथान मोटरसाइकलसहित उनीहरूलाई पक्राउ गरिएको प्रहरीले जनाएको छ ।