काठमाडौं । रास्वपा सांसद सुमना श्रेष्ठले भारतमा नेपाली विद्यार्थीको रहस्यमय मृत्यु भएको घटनाको अनुसन्धानका लागि कूटनीतिक पहल गर्न सरकारको ध्यानाकर्षण गराएकी छिन् । 

प्रतिनिधिसभाको सोमबारको बैठकको आकस्मिक समयमा बोल्ने समय नपाएपछि संसद् भवनबाहिर सञ्चारकर्मीसँग कुरा गर्दै सांसद श्रेष्ठले उक्त घटनाको छानबिनका लािग कूटनीतिक पहल गर्न सरकारको ध्यानाकर्षण गराएकी हुन् । 

उनले प्रधानमन्त्री, परराष्ट्रमन्त्री र शिक्षामन्त्रीको ध्यानाकर्षण गराउँदै उक्त घटनाका विषयमा बुझ्न पहल गर्नुपर्ने उल्लेख गरिन् । 

उक्त घटनापछि नेपाली विद्यार्थीलाई विश्वविद्यालयबाटै निष्कासित गरिएको विषयमा पनि विश्वविद्यालयसँग कुरा गर्नुपर्ने उनले बताइन् । तत्काल सदनमा राख्नुपर्ने विषय राख्न खोज्दा सभामुखले समय नदिएको भन्दै उनले आक्रोश व्यक्त गरिन् । 

सांसद श्रेष्ठले सभामुखले संसद्‍मा बोल्न खोज्दा पक्षपात गरेको समेत गुनासो गरिन् ।