काठमाडौं । धितोपत्र दोस्रो बजार मापक नेप्से परिसूचक ४.४५ अंकले घटेको छ । यस दिन नेप्से ०.१६ प्रतिशतले घटेर २७११.४५ विन्दुमा बन्द भएको छ ।

यस दिन आठ अर्ब ९५ करोड ८० लाख रुपैयाँमा सेयर खरिद–बिक्री भएको छ । यस दिन ११३ कम्पनीको सेयर मूल्य वृद्धि भएको छ । १२२ कम्पनीको सेयर मूल्य घटेको छ । सात कम्पनीको सेयर मूल्य स्थिर छ ।

यसदिन कारोबारमा आएका १३ समूहगत परिसूचकमध्ये पाँच समूहको परिसूचक बढेको छ । परिसूचक सर्वाधिक वृद्धि फाइनान्स समूहको भएको छ । यो समूहको परिसूचक ५.६७ प्रतिशतले वृद्धि भएको छ । यो समूहमा भएका १५ वटै कम्पनीको सेयर मूल्य वृद्धि भएको छ ।

उपकार लघुवित्त वित्तीय संस्थाको सेयर मूल्य प्रतिकित्ता ६०० रुपैयाँ बढेर ६ हजार ६०० कायम भएको छ । यो कम्पनीको सेयर मूल्य १० प्रतिशतले वृद्धि भएको हो । त्यस्तै च्याङ्दी हाइड्रोपावरको सेयर मूल्य पनि १० प्रतिशतले वृद्धि भएको छ ।