काठमाडौं । चलचित्र ‘माया प्रीति’को मुख्य भूमिकामा दिव्या रायमाझी अनुबन्ध भएकी छन् । 

प्रदर्शनरत चलचित्र ‘एक्टरः टेक वन’बाट नेपाली चलचित्रमा डेब्यु गरेकी दिव्याले नयाँ सिनेमा ‘माया प्रीति’ मा प्रमुख भूमिका निभाउने भएकी हुन् । 

रोमान्टिक कमेडी यो चलचित्रलाई अवि श्रेष्ठले निर्देशन गर्नेछन् । उनले ‘माया प्रीति’मा नयाँ पुस्ताको प्रेम कथा समेटिने बताए ।  

श्रेष्ठले यस चलचित्रमार्फत निर्देशनमा डेब्यु गर्न लागेका हुन् । वन टू थ्री स्टुडियोजको ब्यानरमा निर्माण हुने यस चलचित्रमा अभिनेत्री निशा अधिकारी कार्यकारी निर्माताको रूपमा रहनेछिन् ।

यो चलचित्रको निर्माण समूह नेपाल टेलिभिजनको चर्चित शो ‘प्ले इट अन’मा पाँच वर्षसम्म काम गरिसकेको अनुभवी समूह हो ।