काठमाडौं । आदिकवि भानुभक्त आचार्यको जन्मस्थल तनहुँको चुँदीरम्घाको विकासका निम्ति स्थापित भानु साहित्य उद्यानका अध्यक्ष एवं पूर्वगृहसचिव तथा साहित्यकार विजयराज भट्टराईको निधन भएको छ । यही माघ २१ गते (सोमबार) उनको निधन भएको साहित्य उद्यानका कोषाध्यक्ष एवं कवि मुकुन्द पौडेलले जानकारी दिए ।

भट्टराईको सुझबुझ र अनुभवयुक्त नेतृत्वमा साहित्य उद्यानमा काम गर्न पाउनु आफ्ना निम्ति अहोभाग्य भएको पौडेलले फेसबुक स्टाटसमा उल्लेख गरेका छन् ।

भट्टराईको निधनले आफूहरूलाई मर्माहत तुल्याएको उद्यानका सल्लाहकार काशीराज आचार्य र कोषाध्यक्ष पौडेलले बताएका छन् ।

पौडेलका अनुसार, भट्टराईको जन्म वि.सं. २००५ सालमा तनहुँको भानु नगरपालिकास्थित सिंपानीमा भएको थियो ।