काठमाडौं । कुटपिटबाट हत्या गरेको आरोपमा प्रहरीले एकजनालाई पक्राउ गरेको छ । पक्राउ पर्नेमा रुसुवाको उत्तरगया गाउँपालिका–५, बोगटीटारका ४३ वर्षीय बिचारी तामाङ छन् ।

स्थानीय ६० वर्षीय प्लेक्ता तामाङको हत्या गरेको उनीमाथि आरोप छ । बिचारीलाई शनिबार बेलुका (माघ १९) पक्राउ गरिएको प्रहरी प्रधान कार्यालयले जानकारी गराएको छ ।

बिचारीले लेनदेनको विषयमा गएको बिहीबार दिउँसो कुटपिट गर्दा प्लेक्ता गम्भीर घाइते भएका थिए । काठमाडौंस्थित ग्रीनसिटी अस्पतालमा उपचारका क्रममा शनिबार साँझ उनको मृत्यु भएको प्रहरीले जनाएको छ । त्यसपछि प्रहरी वृत्त महाराजगन्जबाट खटिएको टोलीले उनलाई पक्राउ गरेको हो ।