काठमाडौं । नेको इन्सुरेन्स डिमिटेडले फागुन ८ गतेदेखि हकप्रद सेयर निष्कासन गर्ने भएको छ । कम्पनीले ४ः१ को अनुपात अर्थात् हाल कायम चुक्ता पुँजीको २५ प्रतिशत हकप्रद सेयर निष्कासन गर्न लागेको हो ।

कम्पनीका सेयरधनीले आफूसँग कायम ४ कित्ता सेयर बराबर १ कित्ताका लागि फागुन २८ गतेसम्म आवेदन दिन सकिनेछ । माघ १५ गतेसम्म नेप्सेमा कारोबार भई कायम सेयरधनीले मात्र कम्पनीको हकप्रद सेयर खरिदका लागि आवेदन दिन सक्नेछन् ।

इन्सुरेन्सले ५० करोड ३० लाख ९० हजार १५५ रुपैयाँबराबरको प्रतिसेयर १०० रुपैयाँ अंकित मूल्यका ५० लाख ३० हजार ९०१.५५ कित्ता हकप्रद सेयर निष्कासन गर्न लागेको हो ।

इन्सुरेन्सको सेयर निष्कासन तथा बिक्री प्रबन्धकमा सानिमा क्यापिटल लिमिटेड छ । सेयरधनीहरूले बिक्री प्रबन्धकका साथै नेको इन्सुरेन्सको केन्द्रीय तथा क्षेत्रीय कार्यालयहरूबाट आवेदन दिन सक्नेछन् । 

नेपाल धितोपत्र बोर्डबाट अनुमति लिई आस्बा सेवामा सहभागी बैंक तथा वित्तीय संस्थाहरूबाट सी–आस्बा प्रणालीमार्फत पनि आवेदन दिन सक्नेछन् । 

त्यस्तै, सिडिएस एन्ड क्लियरिङ लिमिटेड (सीडीएससी)बाट निर्माण गरिएको सफ्टवेयर ‘मेरो सेयर’ प्रयोग गरी अनलाइनमार्फत समेत हकप्रद सेयरका लागि आवेदन दिन सक्नेछन् ।

हाल कम्पनीको चुक्ता पुँजी दुई अर्ब एक करोड २३ लाख ६० हजार ६१९ रुपैयाँ छ ।