site stats
बाह्रखरी :: Baahrakhari
खेल
Global Ime bankGlobal Ime bank
उत्कृष्ट प्रदर्शन गर्दै त्रिकोणात्मक शृंखला जित्छौँ : कप्तान बर्मा

काठमाडौं । नेपाली राष्ट्रिय क्रिकेट टोलीकी कप्तान इन्दु बर्माले आफ्नो टोली सन्तुलित रहेकाले बिहीबारदेखि सुरु हुने त्रिकोणात्मक टी–२० क्रिकेट श्रृंखला जित्ने बताएका छन् ।

नेपालले बिहीबारदेखि कीर्तिपुरस्थित त्रिवि क्रिकेट मैदानमा नेदरल्यान्ड्स र थाइल्यान्ड सम्मिलित टी–२० क्रिकेट श्रृंखला खेल्दै छ । प्रतियोगिताअगाडि बुधबार कप्तानसँग भएको पत्रकार सम्मेलनमा नेपाली टोलीकी कप्तान इन्दुले हालै प्रधानमन्त्री कप क्रिकेट खेलेका खेलाडी र यू–१९ विश्वकपमा राम्रो प्रदर्शन गरेका नेपालकी कप्तान पूजा महतोसँगै दुई खेलाडी रहेकाले आफ्नो टोली सन्तुलित रहेको बताइन् । पूर्ण सन्तुलित रहेको र उत्कृष्ट प्रदर्शन गर्दै उपाधि जित्ने उनको विश्वास छ ।

नेपालकी कप्तान इन्दुले ब्याटिङमा सुधार गर्नका निम्ति पनि यो श्रृंखला धेरै महत्त्वपूर्ण रहेको उल्लेख गरिन् । महिला क्रिकेटमा पनि मैदानसम्म आएर हौसला बढाउन कप्तान इन्दुले आह्वान गरिन् । घरेलु मैदानमा हुन लागेकाले आफूहरूको लागि केही सहज हुने उनको आशा छ । उनले नेपालको यू–१९ महिला टोलीले विश्वकपमा राम्रो प्रदर्शन गरेर फर्किएको उल्लेख गर्दै यो सिनियरस्तरको ब्याक अप रहेको बताइन् ।

थाइल्यान्ड महिला क्रिकेट टोलीकी कप्तान नारुइमोल चाइवाईले श्रृंखला जित्ने गरी प्रदर्शन गर्ने बताइन् । नेदरल्यान्ड्सकी कप्तान बेबेट्टे डी लिडेले नेपालमा क्रिकेट खेल्न आफूहरू उत्साहित रहेको प्रतिक्रिया दिइन् । नेपालले बिहीबार नेदरल्यान्ड्ससँग नै खेल्दै श्रृंखलाको सुरुआत गर्नेछ ।

 

प्रकाशित मिति: बुधबार, माघ १६, २०८१  २१:१९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro