काठमाडौं । बझाङमा बलात्कार आरोपमा प्रहरीले एकजनालाई पक्राउ गरेको छ । पक्राउ पर्नेमा छबिसपाथिभेरा गाउँपालिका–१ का २४ वर्षीय धर्मराज गिरी छन् ।

१८ वर्षीया एक किशोरीको बलात्कार गरेको उनीमाथि आरोप छ । गए राति (शनिबार) उनलाई पक्राउ गरिएको प्रहरी प्रधान कार्यालयले जानकारी गराएको छ ।

शनिबार बेलुका ती किशोरीको बलात्कार गरिएको भन्ने उजुरीपछि प्रहरी टोली खटिएको थियो । घटनाबारे थप अनुसन्धान गरिरहेको प्रहरीले जनाएको छ ।