काठमाडौं । काठमाडौं उपत्यका अपराध अनुसन्धान कार्यालय टेकुले नागरिकतासम्बन्धी कसुरमा संलग्न एक व्यक्तिलाई पक्राउ गरेको छ । 

कार्यालयले नागरिकतासम्बन्धी कसुरमा जिल्ला अदालत चितवनबाट पक्राउ अनुमति जारी भई फरार रहेका चितवनको भरतपुर महानगर १४ घर भई हाल जिल्ला कामनपा ९ सिनामंगल बस्ने ४९ वर्षीय शिवबहादुर विष्टलाई पक्राउ गरेको हो । 

अपराध अनुसन्धान कार्यालयबाट खटिएको प्रहरी टोलीले यही माघ ७ गते साँझ साढे पाँच बजेतिर दरबारमार्गबाट पक्राउ गरेको हो ।  

पक्राउ परेका विष्टलाई थप अनुसन्धान तथा कारबाहीका निम्ति माघ ८ गते जिल्ला प्रहरी कार्यालय चितवन पठाइएको अपराध अनुसन्धान कार्यालय टेकुका सूचना अधिकारी प्रहरी उपरीक्षक काजीकुमार आचार्यले जानकारी दिएका छन् ।