काठमाडौं । सिस्नुपानी नेपालले संयुक्त अरब इमिरेट्स (यूएई)मा ‘दुई थोपा हाँसो’ कार्यक्रम सम्पन्न गरेको छ । नयाँ वर्ष सन् २०२५ का अवसरमा यूएईमा रहेका नेपाली नागरिकलाई मनोरञ्जन एवम् जीवनका बारेमा सकारात्मक भावना अभिवृद्धि गर्ने उद्देश्यले निःशुल्क रूपमा कार्यक्रम गरिएको हो ।

सिस्नुपानी नेपालका कलाकारको प्रस्तुति रहेको कार्यक्रम आबुधाबीस्थित अलजोधा, एम ४४, मुसफ्फाबाट जनवरी १० तारिखमा सुरु गरिएको थियो ।

यस्तै, क्लिन्को क्याम्प सज्जा शारजहाँ र अलकुजको बलेदिया भलिबल ग्राउन्डमा जनवरी ११ मा कार्यक्रम गरिएको थियो । जनवरी १२ मा इभर सेन्डाई क्याम्प, सोनापुर र इन्डियन सोसल सेन्टर अजमानमा कार्यक्रम सम्पन्न भएको थियो ।

कार्यक्रममा मनोज गजुरेल, गायक धीरेन्द्र प्रेमर्षि, चक्र दवाडी, सरोज घिमिरेलगायत कलाकारको उपस्थिति थियो ।