विराटनगर । पूर्वप्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड' विराटनगर आइपुगेका छन् ।

शुक्रबार साँझ विराटनगर आएका उनी विराटनगर–१, पोखरियास्थित छोरी गंगा दाहाल र ज्वाइँ जीवन आचार्यको घरमा बस्नेछन् । पार्टीका कार्यक्रममा सहभागी हुन उनी ग्रामथान गाउँपालिका पुग्ने छन् ।

पार्टी स्रोतका अनुसार प्रचण्ड प्रेस सेन्टर नेपाल र न्यू सृष्टि दैनिकको कार्यक्रममा पनि सहभागी हुनेछन् ।
छोरी र नातिनीसहित बिहान एक घण्टा पोखरियाबाट  जिल्ला प्रशासन कार्यालय मोरङको कार्यालयसम्म  मर्निङवाकमा निस्कने बताइएको छ ।‌

उनले विराटनगर–१९ मा अवस्थित गिरिजाप्रसाद कोइराला क्रिकेट रंगशालाको अनुगमन गर्ने पनि गर्नेछन् । उनी शनिबार दिउँसो ४ बजे काठमाडौं फर्कने छन् ।‌