काठमाडौं । धादिङको औषधि व्यवस्था विभागले नोभा जेनेटिक प्रालिले उत्पादन गरेको क्याल्सियम ट्याबलेट बिक्रीमा रोक लगाएको छ । न्यून गुणस्तरीय पाइएपछि ब्याच नम्बर सीभीडी३–२६४ र सीभीडी३–२६७ र्का 'क्यालिसेन एफ' नामक औषधि बिक्रीमा रोक लगाइएको हो ।

ती औषधिहरू ५०० एमजी ट्याब्लेटमा उपलब्ध थिए । ब्याचका औषधि बिक्री–वितरण नगर्न र बजारबाट फिर्ता ल्याउन विभागले उत्पादक कम्पनीलाई निर्देशन दिएको छ ।

खराबी देखिएको ब्याचको औषधि सिफारिस र प्रयोगसमेत नगर्न विभागको आग्रह छ । कम्पनीलाई हाल बजारमा रहेको औषधि फिर्ता गरी त्यसको विवरण विभागमा बुझाउन भनिएको छ ।