काठमाडौं । नेपाल बैंक लिमिटेडका कर्मचारी र ग्राहकलाई काठमाडौं डेन्टल हस्पिटल एन्ड रिसर्च सेन्टर प्रालिमा उपचार गर्दा लाग्ने शुल्कमा विशेष छुट प्रदान गर्नेसम्बन्धी सम्झौतापत्रमा हस्ताक्षर गरिएको छ । काठमाडौंको माछापोखरीस्थित बुद्ध मलमा रहेको काठमाडौं डेन्टल हस्पिटल एन्ड रिसर्च सेन्टरमा नेपाल बैंकका कर्मचारी र ग्राहकलाई विशेष छुटको सम्झौता गरिएको हो ।

सम्झौताबमोजिम अस्पतालको विविध सेवामा लाग्ने शुल्कमा बैंकका कर्मचारीलाई बिल रकमको ३० प्रतिशत र ग्राहकलाई २५ प्रतिशतसम्म छुट हुनेछ ।

उक्त सम्झौतापत्रमा बैंकका तर्फबाट सहायक प्रमुख कार्यकारी अधिकृत प्रकाशकुमार अधिकारी र काठमाडौं डेन्टल हस्पिटल एन्ड रिसर्च सेन्टरका अध्यक्ष दयासागर साहले हस्ताक्षर गरेका छन् ।