काठमाडौं । निर्माण घोषणा गरिएको चलचित्र ‘सोल्टिनी’का लागि कलाकारहरूको लाइनअप पूरा भएको छ । 

निर्देशक अर्जुन सुवेदीका अनुसार ‘सोल्टिनी’मा नेपाली चलचित्र क्षेत्रका चर्चित कलाकारहरूको बाक्लो उपस्थिति रहने भएको छ । 

चलचित्रमा अभिनेता प्रकाश सपूत, विल्सन विक्रम राई, अभिनेत्री परीक्षा लिम्बू, रवीन्द्र झा, प्रकाश घिमिरे, प्रेम सुब्बा, कविता आले, सुन्दर धिताल, सुजन खतिवडालगायत कलाकारहरूको अभिनय रहनेछ । चलचित्रमा अडिसनमार्फत छनोट भएकी सब्बु गुरुङको पनि अभिनय रहनेछ । 

चलचित्रले अमानवीयता र जातीय भेदभावविरुद्ध आवाज उठाउने निर्माणपक्षले जनाएको छ । चलचित्रको छायांकन पुस १५ बाट सुरु हुनेछ । ‘सोल्टिनी’ २०८२ असोज ३ गते संविधान दिवसको दिन रिलिज हुनेछ ।