काठमाडौं । नेपाल प्रिमियर लिग (एनपीएल)मा टस जितेर ब्याटिङमा उत्रिएको काठमाडौं गुर्खाजले जनकपुर बोल्ट्सविरुद्ध पावरप्लेमा खराब सुरुआत गरेको छ । बिहीबार कीर्तिपुरस्थित त्रिवि क्रिकेट मैदानमा काठमाडौंले ६ ओभरको खेल सकिँदा दुई विकेट गुमाएर ३५ रन बनाएको छ । 

काठमाडौंबाट हाल क्रिजमा रहेका स्टेफन एस्किनाजी १७ रन र गेरहार्ड इरास्मस शून्यमा खेलिरहेका छन् । त्यसअघि, काठमाडौंले ओपनर माइकल लेभिटलाई आठ र भीम सार्कीलाई चार रनको व्यक्तिगत स्कोरमा गुमाएको थियो ।

जनकपुर पाँचौँ जितको लक्ष्यमा छ । जनकपुरले प्रतियोगिताको पहिलो खेलमा विराटनगर किंग्सविरुद्ध आठ विकेट, दोस्रो खेलमा कर्णाली याक्सविरुद्ध पनि आठ विकेट, तेस्रो खेलमा पोखरा एभेन्जर्सविरुद्ध सात विकेट र चौथो खेलमा लुम्बिनी लायन्सविरुद्ध एक रनको जित निकालेको थियो । पाँचौँ खेलमा जनकपुरले सुदूरपश्चिम रोयल्सविरुद्ध ७२ रनको हार व्यहोरेको थियो ।

काठमाडौं भने आज तेस्रो जितको खोजीमा छ । काठमाडौंले यसअघिका चार खेलमध्ये दुईमा जित र दुईमा हार व्यहोरेको छ । काठमाडौंले पहिलो खेलमा चितवन राइनोजविरुद्ध पाँच विकेटको हार व्यहोरेको थियो । दोस्रो खेलमा कर्णालीविरुद्ध तीन विकेटले पराजित भएको काठमाडौंले चौथो खेलमा सुदूरपश्चिम रोयल्ससँग पुनः ७३ रनको हार व्यहोरेको थियो । चौथो खेलमा काठमाडौंले लुम्बिनी लायन्सविरुद्ध १८ रनको जित निकालेको थियो ।