काठमाडौं । बंगलादेशका रोहिंग्या शरणार्थीहरू म्यानमारमा युद्ध लड्न जाने भएका छन् । बंगलादेशको शरणार्थी शिविरबाट रोहिंग्या शरणार्थीहरू म्यानमारको सैन्य शासनविरुद्ध लडिरहेका समूहमा जोडिन पुगेका छन् ।

बंगलादेशमा सन् २०१७ यता रोहिंग्या शरणार्थी आउन थालेका हुन् । रोहिंग्या शरणार्थी नेपालसम्म आइपुगेका छन् । बंगलादेशबाट म्यानमारको सैन्य सरकारविरुद्ध लड्न सशस्त्र समूहमा भर्ती भएका सैयद रफिक भन्छन्, “हाम्रो भूमिका निम्ति हामीसँग लड्नुबाहेक अर्को विकल्प छैन ।”

रोहिंग्या विश्वकै सबैभन्दा ठूलो शरणार्थी समुदाय हो । सन् २०२१ मा म्यानमारमा सैन्य ‘कू’ भएको थियो । त्यसयता म्यानमारमा सेनाले शासन चलाइरहेको छ । सेनाको शासनविरुद्ध म्यानमारमा विभिन्न समूहहरू सशस्त्र संघर्ष गरिरहेका छन् । रोहिंग्या समुदायका मानिस भर्ती हुने ‘रोहिंग्या सोलिडारीटी अर्गनाइजेसन’ र ‘अराकान रोहिंग्या स्यालभेसन आर्मी,’ नामका दुई मुख्य लडाकु समूह सक्रिय छन् ।

रोहिंग्या शरणार्थी आफूविरुद्ध लड्न आएको थाहा पाएपछि बंगलादेशमा सत्ता चलाइरहेका जुन्ता सैनिकले पनि रोहिंग्यालाई नागरिकता दिने भन्दै लोभ्याइरहेको छ । 

नेपालमा पनि सन् २०१२ देखि नै रोहिंग्या शरणार्थी आउन थालेका थिए । काठमाडौं उपत्यकाको कपन र सुनाकोठीमा रोहिंग्या शरणर्थीको बसोबास छ ।