काठमाडौं । ग्लोबल आइएमई बैंक लिमिटेडका ग्राहकले समाज डेन्टल अस्पतालमा विशेष छुट पाउने भएका छन् । यससम्बन्धी सम्झौतापत्रमा बैंकका ट्रान्जेक्सन बैंकिङ सेल्स तथा बिजनेस प्रमुख प्रकाश पौडेल र समाज डेन्टलका प्रबन्ध निर्देशक शंकु घिमिरेले हस्ताक्षर गरे ।

सम्झौताअनुसार, बैंकको क्रेडिट कार्डमार्फत भुक्तानी गर्दा १२ महिनासम्म किस्ताबन्दीमा भुक्तानी गर्न मिल्ने सेवा (ईएमआई) समेत प्रदान गरिनेछ । समाज डेन्टलमा बैंकको डेबिट/क्रेडिट कार्ड र ग्लोबल स्मार्ट प्लसमार्फत भुक्तानी गर्दा ओपीडी दर्ता, डाक्टरको परामर्श र अस्पतालको आजीवन सदस्यता शुल्कमा शतप्रतिशत छुट पाइने बैंकले जनाएको छ ।

बैंकका ग्राहकले एक्सरेबाहेकका सम्पूर्ण सेवा शुल्कमा एकमुस्ट १० प्रतिशत छुट समेत पाउनेछन् ।

किस्ताबन्दी सेवाअन्तर्गत बैंकका क्रेडिट कार्डवाहकले समाज डेन्टलमा उपचारबापत १५ हजारदेखि अधिकतम पाँच लाख रुपैयाँसम्मको बिलमा ६ देखि १२ महिनासम्मको सरल किस्ताबन्दीमा भुक्तानी गर्न सक्ने बैंकले जनाएको छ ।

सुविधाको उपभोग गर्न इच्छुकले ग्लोबल आइएमई बैंकको जुनसुकै शाखाबाट आवेदन दिई बैंकको क्रेडिट कार्ड लिन सक्ने जनाइएको छ ।