काठमाडौं । अमेरिकी राष्ट्रपति निर्वाचित डोनाल्ड ट्रम्पले बुधबार फ्लोरिडा राज्यका रिपब्लिकन अमेरिकी सिनेटर मार्को रुबियो आफ्नो दोस्रो राष्ट्रपतिको कार्यकालमा विदेशमन्त्री हुने घोषणा गरेका छन् । रुबियोलाई संयुक्त राज्य अमेरिकाको विदेशसचिव (विदेशमन्त्री)मा मनोनयन गरिएको घोषणा गर्न पाउनु आफ्ना निम्ति ठूलो सम्मानको विषय भएको ट्रम्पले बताएका छन् ।

ट्रम्पको घोषणासँगै रुबियोले विदेशसचिवको हैसियतमा विदेश नीति एजेन्डा पूरा गर्न हरेक दिन काम गर्ने प्रतिबद्धता जनाए ।

राष्ट्रपति प्रशासनका अरू मन्त्रिपरिषद् सदस्यका निम्ति जस्तै विदेशसचिवले पदभार ग्रहण गर्नुअघि सिनेटबाट अनुमोदन गर्नुपर्नेछ ।

रुबियोले सन् २०१६ को निर्वाचनमा असफल राष्ट्रपति अभियान चलाएका थिए, जसमा ट्रम्पले आफ्नो पहिलो राष्ट्रपतिको कार्यकाल जितेका थिए । सिन्ह्वा/न्युज एजेन्सी नेपाल