काठमाडौं । अटोमोबाइल ब्रान्ड एक्सपेङको आधिकारिक विक्रेता सीजी मोटर्सले शनिबार काठमाडौंको थापाथलीमा फ्ल्यागसिप शो रुमको उद्घाटन गरेको छ । चिनियाँ दूतावासका साथै एक्सपेङका प्रतिनिधिको उपस्थितिमा उक्त शो रुमको उद्घाटन गरिएको हो ।

एक्सपेङ मोटर्सका उपाध्यक्ष डा. ब्रायन गूले यो ब्रान्डमा भरपुर रूपमा एआईको प्रयोग गरिएको जानकारी दिए । उनले यो ब्रान्ड ईभीमध्येकै गुणस्तरीय भएको बताए ।

चौधरी ग्रुपका प्रबन्ध निर्देशक निर्वाण चौधरीले सीजी मोटर्सले विश्वमा चर्चित ब्रान्डका गाडी बिक्री गर्दै आएको बताए ।

यो फ्ल्यागसिप शो रुमको उद्घाटन र जी६ अल्ट्रा स्मार्ट कोप एसयूभी मोडलको लन्चसँगै एक्सपेङले लिडिङ द फ्युचर अफ एआई मोबिलिटी ब्रान्ड भिजन राखेको छ । एक्सपेङले अत्याधुनिक एआई–संयुक्त गाडीहरू विश्वभरि ल्याइसकेको जनाएको छ ।

योसँगै ३० भन्दा बढी देशमा यो गाडीको उपस्थित भइसकेको बताइएको छ । यसका साथै विश्व अटोमोटिभ क्षेत्रमा अग्रणी फोल्क्सवागन ग्रुपले एक्सपेङको ईभी प्रविधि र एआई प्लेटफर्मको पहुँच पाउन ठूलो हिस्सामा लगानी गरेको छ ।

शो रुम उद्घाटन कार्यक्रममा सीजीएमले पहिलो चरणका ग्राहकलाई २५ जी६ गाडी हस्तान्तरण पनि गरेको छ । जी६ मोडललाई विश्वको सबैभन्दा सख्त सुरक्षा परीक्षण ई–एनकेपमा पाँच स्टार रेटिङ प्राप्त छ ।

यसका साथै एक्सपेङ जी६ मा स्वचालित ड्राइभिङ प्रविधि, सेपा २.०, ओटीए अपडेट, एक्सओएस अपरेटिङ सिस्टम र ८००४ सुपर–फास्ट चार्जिङ प्रणाली समावेश छ ।

यसको मोटर पावर र टर्क क्रमशः १९० किलोवाट र ४४० एनएम रहेका छन्, जसमा ६६ किलोवाट हावरको ब्याट्री प्याक छ । त्यसले ४३५ किलोमिटरको रेन्ज दिने बताइएको छ ।

देशभरि २० भन्दा बढी बिक्री तथा सेवा केन्द्रमार्फत उपलब्ध गराइरहेको एक्सपेङ सीजीएमको पोर्टफोलियोमा सबैभन्दा नयाँ थपिएको ब्रान्ड हो । सीजीएमले यो वर्षभित्रै ४० स्थानमा सेवा केन्द्रका साथै २४४ भन्दा बढी स्थानको डीसी फास्ट चार्जिङ नेटवर्कमा २०० अतिरिक्त चार्ज पोइन्ट थप्ने राखेको योजना बनाएको छ ।