काठमाडौं । काठमाडौंको केन्द्रबाट पूर्वतिर २५ मिनेटको ड्राइभमा पुगिन्छ गोकर्ण फरेस्ट रिसोर्ट । 

४७० एकड क्षेत्रफलको यो फाइभस्टार रिसोर्टभित्र संरक्षित जंगल पनि छ । जहाँ जंगली जनावरको मोहक गतिविधि अवलोकन गर्न पाइन्छ । कुनै समय राजपरिवारको शिकार गर्ने थलोका रुपमा रहेको यो क्षेत्रलाई भाडामा लिइएको रिसोर्टका निर्देशक दिपक आचार्यले बताए । 

भाडामा लिनलाई एउटा शर्त थियो– कम्तिमा पनि १०० कोठाको एउटा होटल बनाउनुपर्ने हुन्छ ।

सन् १९९९ देखि नै यहाँ गल्फ कोर्स थियो । ‘१८ होलको सेटअप’ भएको गल्फ कोर्स ६ हजार ७५५ यार्डमा फैलिएको छ । यो गल्फ कोर्स नै गोकर्ण फरेस्ट रिसोर्टको ताज हो भन्छन् आचार्य । आचार्यको नजरमा यहाँको प्राकृतिक सुन्दरता क्यालिफोर्नियाको समुन्द्री तटमा रहेको पेबल बिच गल्फ कोर्सजस्तै छ ।

“गल्फ कोर्सको विशिष्टताले मलाई सधैं प्रेरित गर्छ । म संसारका कम्तिमा पनि २ सय देखि २ सय ५० वटा गल्फ कोर्समा पुगेको छु,” आचार्य भन्छन्, “मैले गत डिसेम्बरमा पेबल बिचको गल्फ कोर्समा पनि गल्फ खेलेँ । त्यो गल्फ कोर्स अद्भुत राम्रो छ, समुद्र झनै राम्रो छ, तर, गोकर्णको पनि आफ्नै खालको विशिष्ट सुन्दरता छ ।”

काठमाडौं उपत्यकाको पहाडी र हिमशृङ्खलाको दृश्यावलोकनका लागि रिसोर्ट उपयुक्त स्थल हो । स्पा, दुईवटा रेष्टुरेन्ट र बारसहितको यो रिसोर्टबाट यहाँको प्राकृतिक सौन्दर्यसँगै जंगली जनावरको मोहक दृश्यावलोकन गर्ने अवसर पाइन्छ ।

गोकर्ण फरेस्ट रिसोर्टको गल्फ कोर्समा जतिखेर पनि देखिन सक्छन् यहाँ रहेका ४ सय बढी हरिण÷मृग । आचार्यका अनुसार नेपालमा चितवन राष्ट्रिय निकुञ्ज वन्यजन्तु अवलोनका लागि मुख्य केन्द्र भए पनि गोकर्ण रिसोर्ट हरिण/मृग हेर्नका लागि सबैभन्दा उत्कृष्ट ठाउँ हो ।

गल्फ कोर्सलाई हरियो बनाइराख्ने टिमका लागि मृग/हरिण टाउको दुखाइको विषय भए पनि आचार्य भने त्यो सहन सक्षम छन् ।

उनी भन्छन्, “यो गल्फ कोर्स हरदम तम्तयार राख्नका लागि सबैभन्दा ठूलो चुनौती नै मृग÷हरिण हुन् । किनभने उनीहरु हरियो घाँसमाथि दौडेर गल्फ कोर्स बिगार्छन् । तर, तपाईंले सुन्दरताको मूल्य त चुकाउनुपर्छ । म त्यो सुन्दरता(हरिण/मृग)लाई टाढा पु¥याउनेगरी पर्खाल लगाउन चाहन्न ।”

यद्यपी गल्फ कोर्सको मर्मत गर्ने र कोर्सलाई हरियो बनाइराख्ने कर्मचारीका लागि भने यो तनाव नै हो ।

चितुवाले शिकार गरेर यहाँका हरिण÷मृगको संख्या स्थिर राख्न मद्दत गर्छन् । रिसोर्टको ‘गाइडेड कार्ट टुर’मा भाग्यमानी पाहुनाले चितुवा पनि देख्न पाउँछन् । यो टुर रिसोर्टभित्रको १ सय ४० एकड क्षेत्रफलमा हुन्छ ।

रिसोर्टभित्रको जंगलका प्रायःजसो रुखका हाँगामा बाँदर र ६० प्रजातिका चरा हुन्छन् । रिसोर्टमा ‘वर्ड वाचिगं टुर’ सबैभन्दा लोकप्रिय गतिविधि हो । यसबाहेक यहाँबाट गाइडसहित गाउँ, गोकर्णेश्वर महादेव मन्दिर जस्तो ऐतिहासिक मन्दिर हुँदै हाइकिङ्गको पनि सुविधा छ । सीएनएनबाट