न्युयोर्क। समाजसेवी इन्द्र तामाङको आत्मकथा लोकार्पण गरिएको छ । अमेरिकाको न्युयोर्कस्थित ज्याक्सनहाइटमा तामाङको आत्मकथा माई क्युरियस इअर्स वीथ 'चार्ल्स हेनरीफोर्ड, द अटोबायोग्राफी अफ इन्द्र बी. तामाङ' लोकार्पण गरिएको हो ।

वाणिज्यदूत विष्णुकुमारी अधिकारी र आचार्य लामा गुरु दावा साङमोले पुस्तक विमोचन गरेका हुन् । लेखकले नेपालीलाई इमान्दार तथा संघर्षका रुपमा विश्वमा चिनाउने काम गरेको वाणिज्यदूत अधिकारीले बताइन् । पुस्तकले धेरैलाई प्रेरणा दिने उनकाे भनाइ छ ।

तामाङ सोसाइटी अफ अमेरिकाका पूर्व अध्यक्ष तथा सोसाइटी अफ अमेरिका सल्लाहकार राम तामाङले काठमाडौंदेखि अमेरिकासम्म बसाइका क्रममा इन्द्रका अनुभवहरु आत्मकथामा सँगालेको बताए ।