विराटनगर । मोरङको ग्रामथान गाउँपालिकामा उपनिर्वाचनमा नेकपा (माओवादी केन्द्र)ले अध्यक्षको उमेदवार घोषणा गरेको छ । ग्रामथानको तेतरिया बजारमा सोमबार सभा आयोजना गरी माओवादीले नमोनारायण माझीलाई उमेदवार बनाउने घोषणा गरेको हो । 

माझी ग्रामथान गाउँपालिका वडा नम्बर १ काम यसअघि कांग्रेसबाट वडाध्यक्ष थिए । गत २०७९ सालको निर्वाचनमा स्वतन्त्ररूपमा ग्रामथान गाउँपालिका अध्यक्षमा उठेका उनी तेस्रो बनेका थिए ।

माझी कांग्रेस परित्याग गरी माओवादी प्रवेश गरेका हुन् ।

निर्वाचन आयोगले यही मंसिर १६ गते उपनिर्वाचन घोषणा गरेको छ । ०७९ सालमा कांग्रेस जयप्रकाश गच्छदार विजयी भएका थिए । उनको हृदयघातका कारण मृत्यु भएपछि ग्रामथानमा उपनिर्वाचन हुन लागेको हो ।

सोमबार आयोजित उमेदवारी घोषणा कार्यक्रममा माओवादी केन्द्रका नेताहरू सावित्री कुमार काफ्ले, पूर्वमन्त्री अमनलाल मोदी, विजय विश्वासलगायत सहभागी थिए ।