भक्तपुर । भक्तपुरकी जीवित देवी एकान्तकुमारी लुनिभा बज्राचार्यबाट सर्वसाधारणले विजयादशमीको टीका लगाएका छन् । तलेजुमा जीवित देवीका रूपमा पुजित कुमारीबाट उनीहरूले टीकाका साथ आशीर्वाद लिएका हुन् ।

कुमारीबाट तलेजुका मूल नाइके नरेन्द्रप्रसाद जोशी, पुजारी, जोशीहरू, कर्माचार्यहरू, गुरु तथा पुरोहितले शनिबार साइतको टीका लगाएका थिए । त्यसपछि उनले सर्वसाधारणलाई टीका लगाइदिएकी थिइन् । रासस