काठमाडौं । नेपालीको महान् चाड विजयादशमी मनाउन आफन्तकोमा जाने क्रमसँगै काठमाडौंका सडकमा सर्वसाधारणको चहलपहल बढ्न थालेको छ । दसैँको मुख्य दिन घरमा मान्यजनको हातबाट टीका एवं नवदुर्गाको प्रसाद ग्रहण गरी आफन्तकोमा लगाउन जाने क्रम सुरु भएको हो ।

काठमाडौं उपत्यकाका तीन जिल्ला (काठमाडौं, ललितपुर र भक्तपुर)मा शुभसाइतको टीका घरमा लगाइसकेपछि आफन्तकोमा जाने क्रमसँगै सडकमा सर्वसाधारण सवारीसाधन कुरेर बसिरहेको देख्न सकिन्छ ।

आजदेखि पूर्णिमासम्म मान्यजनबाट दुर्गाको प्रसादका रूपमा टीका ग्रहण गर्दा अरू फूलका साथै घटस्थापनाका दिनमा वैदिक विधिपूर्वक राखिएको पहेँलो जमरालाई समृद्धिको प्रतीकको रूप मानेर लगाउने गरिन्छ । न्युज एजेन्सी नेपाल