काठमाडौं । नेपालीहरूको महान चाड दसैँले यतिबेला सबैको घरमा उत्साह छाइसकेको छ । दसैँको खर्च जोहो गर्न धादिङ नुवाकोट र तराईका विभिन्न जिल्लाका स्थानीय काठमाडौंमा खसीबोका बेचिरहेका छन् । व्यावसायिक रूपमा पालेका खसीबोका बेचेर दसैँको खर्च जुटाउन काठमाडौं आइपुगेको उनीहरूले बताएका छन् ।

धादिङका वीर तामाङ दसैँको खर्च जोहो गर्न एकाबिहानै आफ्ना खसीबोका बेच्न कलंकीमा धाइरहेका छन् । कलंकी वरिपरि र खसी बजारमा खसीबोका खरिदबिक्री गर्नेहरूको भिड लागेको छ । कलंकीदेखि खसीबजारसम्म सडकपेटीमा व्यापारीहरू खसी लिएर बेच्न बसेका छन् ।