काठमाडौं । कृषि ज्ञान केन्द्र डडेल्धुराका सब–इन्जिनियर लालबहादुर विक नक्कली शैक्षिक प्रमाणपत्रमा दोषी ठहर भएका छन् । अख्तियार दुरुपयोग अनुुसन्धान आयोगले गत भदौ २४ मा दायर गरेको मुद्दामा विशेष अदालतले सोमबार फैसला गरेको हो ।

विशेष अदालतका न्यायाधीशहरू अध्यक्ष टेकनारायण कुँवर तथा सदस्यहरू रामबहादुर थापा र रितेन्द्र थापाको इजलासले विकलाई ६ महिना कैद र १० हजार जरिवाना हुने फैसला गरेको हो ।

झुट्टा तथा नक्कली शैक्षिक प्रमाण–पत्र पेस गरी नियुक्ति लिएका बिकले अदालतमा कसुर स्वीकार गरेपछि अदालतलाई स्वीकार गरेको भन्दै अदालतले कानुनअनुसार हुने न्यूनतम सजाय तोकेको हो । त्यसबाहेक बिकले ४०० रुपैयाँ पीडित राहत कोषमा बुझाउनु पर्नेछ ।