काठमाडौं । देशका अधिकांश स्थानमा भारी वर्षा हुँदा धेरै नदी तथा खोलामा बाढी आएको छ । कतिपय नदी तथा खोलामा जलसतहले सतर्कता तह पार गरेको छ । 

सुनकोसी नदी हमपचुवार भोजपुर बाढीमापन केन्द्रमा जलसतहले खतराको तह पार गरेको छ । 

सुनकोसी, कम्फुघाट उदयपुर जलमापन केन्द्रमा जलसतह सतर्कता तहनजिक रहेको छ । 

बारास्थित लालबकैया खोला, निजगढ बाढीमापन केन्द्रमा जलसतहले खतराको तह पार गरेको छ । 

सुनसरीको सार्दु खोला मदन–भण्डारी राजमार्गको जलमापन केन्द्रहरूमा जलसतहले सतर्कता तह पार गरेको छ । 

पानी परिरहेको र बाढी बढ्ने क्रममा रहेकाले नदी तटीय क्षेत्र र डुबान भइरहने होचा भू–भागहरूमा रहनेहरूले उच्च सतर्कता अपनाएर सुरक्षित स्थानमा रहनुपर्ने जल तथा मौसम विज्ञान विभागले जनाएको छ ।