काठमाडौं । नेपाल राष्ट्र बैंकको पछिल्लो तथ्यांकले महँगी घटेको देखाएको छ । 

राष्ट्र बैंकले बिहीबार सार्वजनिक गरेको पछिल्लो मुद्रास्फीतिमा अघिल्लो वर्षको ७.५२ रहेको मुद्रास्फीतिदर यस आर्थिक वर्षको साउन महिनामा ४.१० प्रतिशतमा झरेको छ ।

बैंकको तथ्यांकअनुसार साउन महिनामा खाद्य तथा पेय पदार्थ समूहको मुद्रास्फीति ६.१७ प्रतिशत र गैर–खाद्य तथा सेवा समूहको मुद्रास्फीति २.९४ प्रतिशत छ । २०८० को साउनको अवधिमा यी समूहहरूको मुद्रास्फीति क्रमशः ८.९० प्रतिशत र ६.६२ प्रतिशत रहेको बैंकको तथ्यांक छ ।