काठमाडौं । ओमोडा एन्ड जेइको कम्पनी लिमिटेडका लागि नेपालको आधिकारिक वितरक एसपीजी अटोमोबाइल्स प्रालिले धुलिखेलको अफ–रोड ट्र्याकमा ‘डर्ट टेम्पल एन्ड जेइको अफ–रोड ट्रेल एड्भेन्चर’ गरेको छ ।

गत शुक्रबार डर्ट टेम्पल एन्ड जेइको अफ–रोड ट्रेल एड्भेन्चर च्यालेन्ज, नेपालको पहिलो इलेक्ट्रिक अफ–रोड एसयूभी जेइको जेसिक्सको उच्चस्तरको क्षमता तथा शक्ति प्रदर्शन गरिएको हो ।

यसबाट विद्युतीय गाडीले पनि जस्तोसुकै अप्ठ्यारा भूभागहरू सजिलै पार गर्न सक्छ भन्ने कुरा प्रमाणित भएको कम्पनीले जनाएको छ ।

धुलिखेलमा सम्पन्न कार्यक्रममा अफ–रोड पारखी तथा ड्राइभरहरूको उत्साहजनक सहभागिताका साथै विशेष रूपमा तयार गरिएको अफ–रोड ट्र्याक मुख्य आकर्षण रहेको कम्पनीले जनाएको छ ।

एसपीजी अटोमोबाइल्स नेपालमा नवीन र दिगो मोबिलिटी (गतिशीलता)का आविष्कार तथा उत्पादनहरू प्रवर्द्धन गर्न समर्पित रहेको कम्पनीले जनाएको छ ।